S Ö Z A L T I

euro 2024 |

14 iyun - 14 iyul tarixlərində Almaniyada keçiriləcək futbol bayramı. Bir çoxları Fransa və İngiltərəni favorit hesab edir. Məncə həmişəki kimi İngilislər bacara bilməyəcək. Bəlkə də beynimə loser kimi kodlanıblar bilmirəm. Şəxsən mən turnirin qalibi kimi fransanı görürəm. Çox əjdaha şəkildə gəlirlər. Keçim qrup təxminlərimə:

Burda Macarıstan qrupun sürprizi olacaq. Almaniya maks 2 olacaq. İsveçrə və Şotlandiya isə ən yaxşı 3-cü yer uğrunda mübarizə aparacaq. Qrupun həlledici oyunu elə 1-ci turdakı Macarıstan - İsveçrə matçı olacaq.

Azarkeşi olduğum və son çempion İtaliyanın taleyindən qorxuram. Spaletti bambılısı dünən hücumçu qıtlığında Bolognada əla mövsüm keçirən Orsolinini komandadan çıxartdı. İtaliyada hamı spalettini topa tutur. Zaccagni, çolaq el shaarawy və demək olar ki, bu sezon oynamayan faggiolini saxlayıb, Orsolini və lazionun qapıçısı provedeli kənarda tutub. İspaniya və Xorvatiya, hətta Albaniya da başağrısı olacaq İtaliyaya. Türkiyə ilə 0-0 bitən matçda da ümid vermədilər. Amma bu İtaliyadı. Qrupda 3 heç-heçədən sonra dünya çempionu olmuş komandadı. Bilmək olmaz. Bu qrupa təxmin vermək çox çətindi. Realist olsam hal-hazırki vəziyyətə uyğun olaraq: 1 İspaniya 2 Xorvatiya 3 İtaliya 4 Albaniya.

İngiltərə burdan təmiz çıxar. 2ci yer üçün Danimarka və Serbiya əlləşər və Danimarka yeri qapar.

Ən asan qrupdu bu məncə. Fransa 1, Hollandiya 2, Avstriya 3, bərbad oyun oynayan Polşa 4.

Ən maraqlı qrup. Hamı Belçikanın asanlıqla 1-ci olacağını desə də mənim fikrimcə onların generasiyasının limiti çoxdan bitib. Rumıniya sürpriz edəcək. Ukraniya da ondan geri qalmayacaq. Slovakiya 4-cülüyə məhkumdu.

Gəldik dananın Türkiyə üçün quyruğunun qopduğu yerə. Türkiyə burdan necə çıxırsa çıxsın 8/1-dən o yana getməyəcək. Çünki ya Fransa ya İngiltərə ya da b qrupunda hansısa əjdaha ilə qarşılaşacaq. Ümumiyyətlə Türkiyə elə komandadı ki, oyununu heç cür tuta bilmirsən. Heç vaxt stabil oynamırlar. 0 da çəkə bilərlər. 90+ -da vurulan qollar ilə 1-ci də çıxa bilərlər. Portuqaliya 1-ci olacaq sözsüz. Gürcüstan Mdb-nin hal-hazırda ən yaxşı oynayanıdı. (Russia excluded). Çexiya burda tale həll edən komanda olacaq.
Könlümdən keçən 2008 və 2012-dəki İspaniya kimi İtaliyanın da ardıcıl qalib gəlməsidir. Amma çətin. Real vəziyyət Fransanın çempionluğunu göstərir. Ümid edirəm ki, 2004 və 2016 kimi sıxıcı yox, 2000 və 2008 kimi yaddaqalan turnir olar.

sosioloji marksizm | elm

analitik marksizm ekolu ilə tanınan, sosial siniflər klassifikasiyasında yeni nəzəri paradiqmaları ilə həm sosiologiya sahəsində həm də bütöv olaraq marksizm sahəsində yeni cığırlar açan erik olin wrightın Viskonsin-Medison Universitetində verdiyi dərslərdən biri.

dərsin syllabusu 87 səhifədir -*. bu yay syllabusda paylaşdığı əsas oxumaları bitirməyi planlayıram.

syllabusdakı chapterlər bu şəkildədir:
1) giriş
2) sinfi struktur
3) sinfi təşəkkül
4) dövlət və siyasət nəzəriyyəsi
5) ideologiya və şüur
6) tarix nəzəriyyəsi
7) sosializm və xilas/azadlıq

və üstəlik əsas oxumaların yanında- əgər vaxtınız varsa- əlavə oxuma materialları da var. möhtəşəm syllabusdur.

syllabusun linkini paylaşıram. məncə göz atın və bu sahə haqqında nələrsə oxumaq istəyirsinizsə yararlanın.

link: https://drive.google.com/file/d/1Q64aPnfb1IlezJXjzcwuXMh62U8Silft/view?usp=sharinghttps://drive.google.com/file/d/1Q64aPnfb1IlezJXjzcwuXMh62U8Silft/view?usp=sharing

ufc | idman

Açılışı ultimate fighting championship olan mma təşkilatı. İnsanların niyə bu qədər az maraqlandığına təəsüflənirəm düzü, xususilə də həmcinslərim arasında. Nəticə də, dünyanın ən güclü ya da badass insanının kimi olduğu sualı maraqlıdır və bunun cavabının öyrəniləcəyi ən prestijli təşkilat ufcdir. One championship və bellator kimi təşkilatlar da var, lakin ordakı əksər divizyadakı çempionlar heç ufcnin top 10 una girə bilməz müvafiq çəki divizyasında. Təbii olaraq anlayıram bəzi insanlar şiddət və s. kimi görüntüləri sevmir, həmin insanların baxmamağı normal haldı. Ancaq ölkədə xususilə animeci kütlənin, heç ufc nin nə olduğunu eşitməməyi maraqlanmamağı qəribə gəlir. one punch man, naruto və oxşarı animelərə baxmaqdansa çox daha real olanına baxa bilərsiz. Və bu real xarakterlərdən çox daha yaxşı inspiration ala bilərsiniz. Misal verim döyüşçülərdən,
Alex pereira gec yaşda kick-box a başlıyır. Ən yüksək səviyyə olan glorydə 2 diviziyada çempion olur. 2 dəfə məğlub elədiyi israel adesanya tərəfindən hər hansı bir interviyuda, "mən əfsanə olanda, hər hansısa bir pubda arxamdan boş boş danışacaq , o heç kimdi" tərzi təhqir olunmadan sonra özünə tamam yad olan bir idmana başlıyır. Hansı ki grappling dediyimiz şey 30 dan sonra elə rahat öyrənilən bir şey deyil. Öyrənsən belə heç vaxt vasatın üstü ola bilməyəcəksən, bunun özü də böyük drawback di istenilen döyüşçü üçün. Pereira ufc debutunu edir, və hətta bambılı bambılı danışan adesanyanı knockout edir. Sonra bir yuxarı çəkidə də çempion olur və hal-hazırda planetdə ayaqüstü döyüşdə ən çox qorxulan döyüşçüdür desək düz olar. Və bu insanın bütün bu uğuru, brazilyanın kasıb favellalarından birində, yoxsullaqdan çıxaraq elədiyi də
ayrı bir heyrətamiz haldı.

Çox maraqlı personaj var yəni ufcdə, misal günlərcə qaranlıqda ac sussuz, balaca otaqda günlərcə duran jiri prochazka. Bu xarakter elə bil sırf mistik anime xarakteri sevən insanlar üçün dizayn olunub. Günlərcə meşədə tək qalıb, məşq edir, just insane dude overall. Hərtərəfli döyüşə bilir, ancaq əsasən ayaqüstü döyüşməyə üstünlük verir, və sıfır guard ilə, full hücüm. Alex pereira kimi dünyanın ən təhlükəli kickbox çusunun belə üstünə şığıyır, əli qolu qarınında, ayaqları yediyi low kick lərdən təndimiş, qızarmış(döyüşdən sonra hətta morarmış olacaq) vəziyyətdə.
Son olaraq döyüş deyim maraqlananlar baxsın.
https://youtu.be/dHKRVKnChFI?si=SPdvsxA140sdhjxV

Jiri ilə glover teixeirü nın döyüşü həqiqətən yüksək gərginlikli bir kəmər döyüşü idi, gərginlik dedim yəni daim bir actionın olduğu maraqlı bir döyüş, sıxıcı şəkildə bir roundda 10, 15 jab in atıldığı bir döyüş yox. Düşünürəm ki, bu döyüşə önyarqısız baxan insan mma fanatı ola bilər.
Səhv eləmirəmsə gloverin 8 ci dərəcə bjj qara kəməri var və bu onu idmandakı ən yüksək grappling çi deməyimizə bəs edər. Ancaq mma təkcə grappling deyil.

https://youtu.be/7CAkyfHMhhA?si=dgNlY8GcxY5sm7cn
Rober whittaker , yoel romero

Müasir dövr middleweightdə(83kg) ən yaxşılardan olan cavan Whittakerın 41 yaşlı kafdar romero ilə olan 2- ci döyüşü. Romeroya kafdar dediyimə baxmıyın the dudes is insanely ripped and explosive. Çox gec başladığı idmana səhv eləmirəmsə 35,(köhnə olimpik gürəşçidir) əfsanə olaraq ayrılmışdı ufcdən. Qeyri mümkün bir nailiyyətdi həqiqətən 35 indən sonra təzə idmana başlamaq oyana, 35 indən sonra çempion ola bilmək ya da oxşarı bir nailiyyət göstərmək qeyri mümkün bir haldı. Çünki istər istəməz qocalırsan, əgər heavyweight ya da light heavyweight deyilsənsə. Romero onsuz adi bir insan deyil, hamı kuba da bədəninə qəribə experimentlər olunduğu bilir, ancaq yenə də idmanın özündə doping təşkilatları nəzarət edir, keçə bilibsə fair competition.

https://youtu.be/h9oj6HEdZSI?si=_0lutKRzOWW03d_v
Son olaraq aşağı çəkilərdən daha texniki olan, volkanovski, islam makhachev döyüşü. Volkanovski bu döyüş zamanı məğlubiyyətsiz demək olar, çempion idi 66 kiloda, islam isə xəbibin atasının favorit tələbəsi idi və çempionluğu oliveirdan(xəbibi udacağı deyilirdi, çox yaxşı grapplingi olduğuna görə) almışdı. Çoxlarına görə xəbibdən daha yaxşı olan islam, xususilə ayaqüstü döyüşdə, əksər döyüşlərini 1 dəqiqənin altında bitirən islam üçün çıxa biləcək ən texniki və inatçı rəqiblərdən idi alexander, həmçinin bütün çəki divizyalarını əhatə edən reytinqdə də, pound for pound rankingdə də 1 ci sırada idi. Bu döyüş digərləri qədər, süper maraqlı olmaya bilər, ancaq məğlubedilməz dağıstan grappling məktəbinin qarşısına çıxan ən güclü oponentin döyüşə necə bir əhəmiyyət qazandırdığnı qavraya bilsəz, yüksək diqqətlə baxacağıvıza şübhəm yoxdur. Hərhalda texniki skill olaraq bunun üstünə çıxa biləcək başqa qarşıdurma yoxdur.

Sona da ufc üçün xüsusi tarixi əhəmiyyəti olan bir neçə maraqlı döyüş qoyacam
https://youtu.be/en4hR34Bl8w?si=Xm8rBGOoan4LTDtz
https://youtu.be/l8s2fsfIpUA?si=AFqEA-1VW_NkK6e8
https://youtu.be/JuBBIJ7adjM?si=l2RWjq2ktf83kZKQ

obyekt yönümlü proqramlaşdırma | proqramlama

(OYP) - verilənlərin obyektlər üzərindən formasını dəyişməsi üzərinə qurulmuş proqramlaşdırma methodu. yazılmış funksiyaların təkrər istifadəsinə və daha kompleks məntiqə kömək edir.

// birinci class-da yaradılan obyekt və methodun digərində çağırılıb istifadə edilməsi:
class a {
string name;
public void method_a();
}
// ikinci class-da implementasiyası
class b extends class a {
name = "jhon.doe'':
method("do something");
}

bəzi methodolojiyaları:
enkapsulyasiya (encapsulation),
varislik (inheritance),
polimorfizm (polymorphism),
abstraksiyası (abstraction),
obyektlər arasında informasiya axınının təşkili (sending messages / message sending),
təkrar istifadə oluna bilərlik ( reusability).

java - c - c++ - Python - php
bu linkdə azərbaycanca ətraflı və bəsit izahı da var

perfume genius | musiqi

əsl adı Michael Alden Hadreas olan əsasən indie pop, indie rock və art pop tərzlərində mahnılar bəstəyən amerikalı musiqiçidir. Özünə seçmiş olduğu bu ləqəb isə Perfume The Story of a Murderer filmindən irəli gəlir. 2020-ci ilin diqqət çəkən albumlarından biri Set My Heart on Fire Immediately olsa da onun no shape albumunu daha çox bəyənirəm.

Tanımaq istəyənlər üçün:
(baxma: jason)
(baxma: otherside)
(baxma: die 4 you)
(baxma: slip away)
(bax: queen)
(baxma: without you)

euro 2024 |

rene magritte ★ wiki | incəsənət

20ci əsrə çataçatda realizmə tanrının reaksiyası olaraq doğulan bəxşiş, sürrealizmin baş mühəndislərindən olan, təbirimcə, uçan belçikalı.

ailənin ən kiçiyi olan magritte anasının o 14 yaşında ikən intiharına, Sambre çayının axınına özünü verməsi sonrası cəsədinin suyun üzünə çıxmasına şahid oldu. 30 yaşına gələndə isə, Les Amants bu faciənin nəticəsi olaraq artıq ərsəyə gəlmişdi. buna qədər isə, afişa və reklam çəkməklə məşğul olur, sürrealizmlə tanışlığını gətirən Andre Bretonla münasibət qurur, əslində Le Jockey Perdu dan tanışlığının heç də pis alınmadığı da görülür, Edward James in dəstəyi ilə normal həyat tərzinə davam etməyə çalışır və Georgette Berger ilə evlidir. ( (edvardla bağlı La Reproduction Interdite (bunun Dostoyevskinin Двойникi ilə əlaqəsi olmadığını mənə heç kim sübut edə bilməz!) və href="http://www.abcgallery.com/M/magritte/magritte59.JPG" class="image-link">http://www.abcgallery.com/M/magritte/magritte59.JPG The Pleasure Principle adlı portretlərini çəkmişdir.)

kamil bir palançı olsada insan
yaxşıdır yarımçıq papaqçılıqdan

- deyəsi gəlir insanın Adeline Magritteə, hər dəfə hadisəni düşündükcə, işini xatırladıqca. faciə yaşananda o artıq 2 ildir rəsm dərsləri alırdı və bundan sonra da almağa davam etdi. onun "aşiqlər seriyası" 4 hissədən ibarət idi.

1 . - The Lovers I .
2 . - The Lovers II .

3 . - the invention of life

4 - The Heart of the Matter

arxa fonda tutuq, buludlu hava gözə çarpır, kostyum geymiş bir kişi və qolsuz köynək geydiyi təxmin edilən bir qadın üzlərini ağ parça ilə örtərək ehtirasla öpüşürlər. baxmarayaq ki müstəsna halları nəzər almaqla caiz deyildir, bu rəsm hicranın, ayrılığın rəsmi olaraq şərh edilə bilər, eynilə uşaq yaşında keçirdiyi travmanın izləyi, təfsiri olaraq.

-insan ən sevdiyi şəxsdən belə bəzi şeyləri gizlədər. bəyaz parça isə qovuşmazlığı, mümkünsüzlükləri ifadə edir, arxa planın zülməti ilə mükəmməl bir ahəng təşkil edərək.

ancaq heç də az ehtimal olmayan bir variant daha var; 1911ci ildə Pierre Souvestre və Marcel Allainin yayımladığı "Fantomas" cizgi roman seriyasının ciddi həvəskarlarından olan maqritin burdakı rəsmlərə və görüntülərə bənzətmələr etməyə çalışmasıdır. Fantomasın təkcə Maqritə deyil, digər bir çox axın davamçılarına da təsir etdiyi əsərlərində apaçıq bəlli olur və Maqritin sadəcə 1 əsərinə təsir ilə kifayətlənmir!

3cü və 4cü əsərləri də bunların davamı olaraq hesab olunur.

bu əsərlər new york modern art museumda nümayiş olunur.

La Trahison des images .

The Treachery of Images - 1929cu il şah əsəri.

Ceci n'est pas une pipe -– bu bir tənbəki deyildir.

İllər sonra özünə, bu mövzuda bir rəsm daha olan bu bir alma deyildir i ( Paul McCartney #136921 entymdə qeyd etdiyim appleın Beatlesdan ilhamlanma hadisəsindəki ilhamın səbəbinin bu rəsm olduğunu bildirib! ) ( eləcə də john calein bu ifanın ilham qaynağı olduğunu bildirməsi kimi! ) daha çəkdirən, çox sonralar michel foucaulta bir kitab yazdıra bilən, bir çox kəsi uzun-uzun düşündürən bir rəsmdir bu. Bu xəyanətdən, saxtakarlıqdfan çıxarılabiləcək nəticələr isə:
- Bu rəsmin əslində bir tənbəkini tanımlamaması;
- Bu cümlənin də əslində bir tənbəkini tanımlamaması;
- Bu görüntü və görüntünün canlandırılması kombinasiyası belə o tənbəki tanımlamamasıdır.
Biz əşyalara, cisimlərə ad veririk və o şəkildə ifadə edir, çağırırıq.
Biz rəsmlərə ad veririk və o şəkildə ifadə edirik, çağırır, canlandırırıq.
Əslində biz ad verdiyimiz o şeyləri canlandırmaqçün o adlara ehtiyac duymuruq.

Eynilik, bənzərlik, varlıq qavramlarını sorğulama üçün əla bir vasitə ola bilər beyin gimnastikanız adına.
Həqiqət anlayışını sorğulamağınız üçün ciddi bir stimul ola bilər bu sizinçün.

İl 1940..
la mal du pays - Homesickness ərsəyə gəlmişdir.. homesickness şübhəsiz, emosianallığı ilə çox daha diqqətləri cəld edir və ətraf dünyanın cansıxıcılığını, hitler almaniyasının yaratdığı qarmaşanı, səfaləti ifadə etmək üçün rəsm olunub.

İl 1945..
le viol – rape ön plandadır.. biraz açıqlığı ilə, biraz tərzi ilə, biraz vermək istədiyi mesajlarla diqqət çəkir bu əsəri maqritin. andre betonun sürrealizm nədir? kitabına örtük fotosu olmaq üçün bir foto nə qədər qayğı görməli, ayrıntı ilə işlənməli, təsiredici olmalıdır? Bəli, təcavüz – qadın bədəni, qadın vücudunun təsvirində daha açıqlayıcı nə ola bilərdi? Belçikada ikən tamamladığı, hal-hazırda Nyu-Yorkda saxlanan bu əsər də anasının unudulmaz faciəsinin şüuraltına hopmasının daha bir göstərişidir. Rəsmdəki solğunluq, ölü, soyuq bir qadın bədəninin təcəssümüdür..arxa plandaki göy rəng isə anasının ölüm məkanı olan mavi suları göstərir. şəkildə uzun boylu, gur, açıq-qəhvərəngi saçlı bir kişinin baxdığını görsək də, bu əslində bir cüt qadın məməsi, vücudu və 2 ayaq arasıdır. Qadın bədənin təsvir edərək bir kişinin baxışlarını da eyni görüntüyə sığdıran maqrit bu kompozisiyada ona zorla sahib olmağı düşünən bir kişinin səssiz düşüncələrinin üzünə vurmasını ifadə edir. Bəli, gözlər – məmələr, burun – göbək, ağız – vagina, boyun – məmə altı olaraq bənzədilir, küləyin təsiri ilə dağınıq görülən saçlar kiminə görə vaginal tükləri ifadə edir. Şəkil, dünya müharibələrindən qurtulan avropa cəmiyyətinin psixologiyasını da izah etməyə çalışması şəklində şərh ala bilər.
( və bunu sənət olaraq deyil “erotik azğınlıq” olaraq görmək artıq sizin düşüncələrinə bağlıdır. )

İl 1950..
L'Empire des lumières – Empire of lights.
Artıq müharibədən illər keçmişdir. Aydınlanmanın hakimiyyəti isə çox da bəlli deyildir. Diqqətlə baxarkən rəsmə, göy üzünün gündüz, yer üzünün isə gecəni yaşaması görülür. Baxan insanın yaradıcılığına təsir edə, ən sevimli rəsm əsərlərindən birinə çevrilə bilər əslində. Məsələn mənə qəribə bir şəkildə gollumu xatırladır.. sizə bir başqa xatirələri yadınıza salmaq üçün vasitəçi ola bilər. Rəsmə baxarkən mavi göy üzündəki buludlara oturub, 2 bəndlik bir şeir yazarsınız bəlkə də..

İlk 1953

Golconde
Və ya əslində olduğu kimi, Golconda da da Brüsseldə tamamlanır, ancaq hal hazırda Texasda sərgilənməkdədir. Rəsmi sözlərlə ifadə etməkdən daha çox, qarşısına keçib baxmaq məsləhət görülür.. Nə düşünürsünüz? Göydən yerə yağırlar ya bir şar kimi göyə uçurlar? Heç biri deyil.
Onlar yerində dururlar..eynilə asfaltı, torpaqlı yolda yeridiyiniz kimi..hava asılıdırlar..Təkrarlarının sonsuz sayıda olduğu təxmin edilən şəxsə diqqət edək:
Qara paltosu dizinə qədərdir, ağ köynək və qalstuku vardır, qara şlyapası və demək olar ki bir çoxunun kölgəsi var. Bir məmuru xatırladır sanki. Diqqətlə baxanda bəzisinin sağ, bəzisinin sol əlinin paltosunun cibində olduğunu görə bilərik. Ancaq üzləri ifadəsizdir, arxa plan açıq rəngli olsa da depressiv bir abu-hava verir, sağımızda böyük bir bina var və sadəcə bir hissəsi görülür, önümüzdə isə standart tipli pərdəli pəncərələrdən ibarət, qırmızı damları olan nəhəng boz bina durur, elə bil ki “şəhər ətrafı” ərazidəyik, şəhər mərkəzindən isə çox uzaqlardayıq. – gerçək həyata qayıdaq. Maqrit böyük, bu şəkildə bir binada illərcə yaşamışdı və tipik xarakterli onlarca insanlarla tanış olmuşdu və özünü də onlardan biri olaraq görürdü. Daha nə ola bilər ki, bir baxıma düşünsək bunları. Mükəmməl bir izahdır..
Və əsərin adı..Rəsm edilən kəsin kimliyi..rəsmin adını Belçikalı şair Louis Scutenaire qoymuşdu. Bu ad, hindistanda almaz ticarəti ilə məşhurlaşan Golkonda vilayətindən gəlir. Maqritin ona bu mövzuda güvəndiyinə peşman olmamışdır gərək ki. Skutenayrı görmək istəyirsiniz? Rəsmi dikinə 2yə ayırın, sağda qırmızı damın düz önündə dürən, çox bəlli olan kəs, şairin elə özüdü.

İl 1956..
Le Seize Septembre – the sixteenth-of-september.

şəkil xoşbəxtliyin tərənnümüdür desək yanılmarıq ehtimal ki..
Torpaqdan səmaya qədər uzanan ağaçla bu təsvir edilir, fidandan ağaca, ağacdan tabuta, tabutdan alova kimi bir qəribə döngü söhbət mövzusudur..

İlk 1957..
Le Banquet – Maqritin ziyafəti..

İl 1958..

Les vacances de hegel – bir istirahət fotosu.. sizin selfieləriniz kimi düşünün biraz.

İl 1959

Le Château des Pyrénées - the castle of the pyrenees .

Bu əsər Qüdsdə saxlanılır. Rəsmi yaxın dostu Harry Torczyner sifariş etmişdi. Deyilənə görə, Fransada, Pyrenees bölgəsindəki bir qaladan ilham alaraq rəsmi çəkmişdi.
Şəklin fokusunda bir qaya var. Qravitasiya qüvvəsini yerlə bir edən qaya. Havada asılı duran bir qaya. Üzərində qala olan bir qaya. Bəli, Maqrit qaya, qala, dəniz, səma, üfüq kimi elementlərə sirr qatıb, qarışdırıb.. bəli, qaya olması gərəkən yerdə olsaydı heç də diqqət çəkici gəlməyəcəkdi, deyil? Bu qaya, “həqiqət”i təmsil edir, sərt, ağır, dəqiq və konkretliyi ilə, bütün vahiməsi ilə, cazibəsi ilə. Bu “həqiqət” anlayışının sorğu-sualsız qəbul edilməsi gərəkdiyinin açıqlamasıdır. “Səssiz mühit” necə də xoşdu, deyil? Bir çox insan bunu hüzurlu yaşama ehtiyacı olaraq şərh edir.
Maqrit bu əsərini “bu rəsm bədii baxımdan zəif qotik romanlar kimidir. Roman səni xəyal qırıqlığına sövq edir, ancaq səni o sirrli atmosferində saxlamağı bacarır.” Deyə izah etmişdi.
Maqritin bütün əsərləri barədə ümumi; * tənbəki və alma başda olmaqla! “mənim rəsmlərim heç bir şey izah etməyə görüntülərdir. Ağla sirrli olması gərəkdiyini gətirirlər. əslinə qalsa, mənim rəsmlərimi görən biri özünə bu sualı verir: bunun mənası nədir? – bu rəsmin bir mənası yoxdur, çünki sirr əslində heç nədir, bilinməyən məfhumdur.” Deyə şərh edir.

“Həqiqət” qavramına necə gözəl izah verilib, deyil? Ah, Nitşe, görəydin bu günləri.
Xülasə, dalğalı dəniz bizim şüurdan kənar fəaliyyəti, fərqində olmadığı şeyləri, dolayısı ilə sonunu bilməyərək etdiyimiz şeyləri açıqlığa qovuşdurur. Üst tərəf isə, şuuraltımızdır, bütün bilgi anbarımız burada cəmlənib!

İlk 1964..

le fils de l'homme – adəm övladı.

Və L'Homme au chapeau melon - melon şlyapalı adam.
Ən səs-küylü və mübahisəli əsərlərdən insan oğlunun bu şəkildə təsviri. Alma – diqqət mərkəzindədir yenə. Yəqin ki, əsərin Nyutondan başlayaraq gələn uzun hekayənin izahı olması bəllidir.
Və ikinci rəsm də ciddi şəkildə birincini çağrışdırır.

“Alma” şəxsin üzünü gizlədir. Həyatda da hər şey belə deyilmi? Görmək istədiyimizi görmək üçün bizi maneə ola biləcək şey isə əslində yoxdur. Gizlədilənin kim olduğunu görə bilməməyiniz sizi aqressivləşdirir. Sakitləşib almaya fokuslanın, gözəl bir yaşılla çəkilib, deyil?

Ah, alma mı, göyərçin mi? Seçim arasında mı qaldınız? Düşünməyə vadar edən bir mükəmməl sənət əsəri daha.. izləməkdə fayda var .

Və geri dönərək 1927yə, the menaced assasinə. upload.wikimedia.org/wikipedia/en/5/54/The_Menaced_Assassin.jpg budur.

Filmdəki səhnəni xatırlayın. (az öncəki) Çoxdan ölmüş olan qadına baxın, qanlı, qumral, solğun qadının qırmızının üzərində yatır..üstündə ağ bir şərf var. Sağ ön tərəfində kostyumlu şəxsi görürük, qəhvərəngi örtüklü qrammofonlu masaya sol əlini dayayıb, üzündən isə, musiqinin təsirindən “məkandan uzaqlaşdığı” abu-havası sezilir. Normal bir cinayət işləmiş biri bu qədər sakit necə qala bilər axı? Yanındakı stulda palto və şlyapası görülür. musiqinin sehrinin üzərinə, qırmızı rənglər cinayətin şiddətini ifadə edir, dolğun sarı rənglərlə işlənmiş hissələr isə yetərincə ağır hava formalaşdırır..daha geniş baxanda, qapının olmadığı görülür və dedektiv və ya hər kimdirsə bu şəxslər canini ələ keçirməyə hazırlanır və hətta biri onu “toruna” keçirməkçün bir əli yuxarıda təsvir edilib. əldəki çubuqla vurulacaq zərbə sonrası tora düşəcəkdir..rəsmdəki qəhrəmanlarımızın üz ifadələrinin yox dərəcəsində olması isə professionallıqları şəklində şərh edilə bilər.
Ev arxasındakı səhnə isə; dağ və boz səma təsviri ağırlığını qoyur, rəsmdə cinayətə şahidlik edən 3 nəfə isə balkona bənzər məkandan bənzər geyimlə, mimikasız şəkildə nələr olacağını izləyir və gözləyirlər.. bəlkə də müdaxilə edəcəklərdir. Döşəmənin dikliyini təqib edərək 3 fərqli; izləyənlər, gerçəkləşdirənlər və gerçəkləşdirəcək olanları təsvir edib maqrit.. suiqəsd səhnəsi də Nyu-Yorkda saxlanılmaqda, Maqritin möhtəşəm əsərləri siyahısında ilk pillələrdə yer almaqdadır.
fantoması bir daha izləmək istəyi? Sizə qalıb.



Və bundan sonra bütün rəsmləri gözününüz önünə gətirib canlandırmağa, xarakter verməyə, obrazların rəqsini beyninizdə təsvir etməyə çalışın.

Niyə Maqriti təkcə sıradan şəxslərin deyil, həm də məşhurların sevimlisi, idealı və mükəmməlləşdirdiyi şəxs olduğunu, bir çox heyranına çevriləbiləcəyiniz rəssama təsir göstərdiyini qavramağa çalışın.

O, ən ağır xərçəng növü olan mədəaltı vəzi xərçəngindən vəfat etmişdi.

sosioloji marksizm | elm

ufc | idman

obyekt yönümlü proqramlaşdırma | proqramlama

javascript | proqramlama

28 may 1997 b.dortmund - yuventus matçı | idman

dunbar ədədi ★ wiki | elm

150.

ingilis antropoloq robin dunbar tərəfindən ortaya atılmış, insanın istənilən zaman intervalında dayanıqlı sosial münasibət və ya dostluq qura biləcəyi insanların təqribi maksimum sayını göstərən hipotetik ədəd.

dunbar özü qısaca bu 150 insanı belə təsvir etmişdir ki, təsadüfi olaraq "pub"da bu qrupa daxil olan insanlardan biri ilə qarşılassanız, o sizi dəvət etməsə belə, heç bir utanc hissi keçirmədən onunla içki içməyə qoşulardınız.

dunbara görə bu ədəd təsadüfi bir ədəd deyil, həqiqət də təkamül insan beynində insana yoldaşlıq qura biləcəyi insan sayı ilə bağlı məhdudiyyət qoyub.

dunbar bu ədədi insan beynində neocortex adlandırılan hissənin ölçüsü ilə əlaqələndirmiş, və 38 primat cinsinin tədqiqi nəticəsində onların əhatə olunduğu sosial qrupdakı canlıların sayı ilə neocrotexlərinin ölçüsü arasında tapdığı asılılığa əsaslanaraq insan üçün bu rəqəmin orta hesabla 148 olacağı qənaətinə gəlmişdir.

həmçinin, dunbar insanlarda dilin də insanın sosiallaşmağı ilə əlaqədar meydana gəlməsi düşüncəsindədir. çünki bir çox canlılar bir-birləri ilə münasibət qurarkən istəklərini sürtünərək göstərirlər. eksperimentlərdə aşkarlanmışdır ki, bir vaxtlar insanlar da bu şəkildə bir-birlərinə sürtünərək dostluq qurma istəyini göstəriblər. çünki indi də pet (bax: pozitron emissiya tomoqrafiya) scanı ilə göstərilmişdir ki, insan bədəninə zəif və yumşaq toxunuş onun beynində endrofin hormonunu ifraz olunmasına səbəb olur və bu pişiklər, itlər, meymunlar üçün də doğrudur. ancaq bu şəkildə münasibət qurmaq uzun müddət vaxt aldığı üçün, insanlar üçün daha ucuz vasitə dil meydana gəlmiş, və bu da dolayısıyla zəkanın meydana gəlməsinə təkan vermişdir.

həmçinin qeyd edim ki, dunbar sosial beyin hipotezinin tərəfdarlarındandır. yəni bu şəxslərə görə insanda zəkanın və ya intellektin təkamülü insanın sosiallaşması ilə əlaqədardır.

əslində bu ədəd insandan asılı olaraq dəyişkəndir və 100 - 250 arası olaraq dəyişir, ancaq orta hesabla 150 olaraq götürülür.

dunbar sonralar fikrini eksperimental şəkildə sübuta yetirmək üçün neolit dövrü kəndlərində əhalinin 150 nəfər olduğunu göstərmiş, qədim roma imperiyasında ordunun əsas ölçü vahidinin 150 nəfərlik rotadan və ya bölüklərdən ibarət olaraq təşkil olunduğunu bildirmiş. rota 1 nəfər tərəfindən idarə oluna bilən insan qrupunun maksimum ölçüsüdür, yəni bu tipli qrupda rota komandiri ayrı-ayrı şəxslərə öz səs tonu ilə, davranışları ilə birbaşa psixoloji manipulyasiya edə bilər. ona görə də roma ordusunda ideal ən kiçik ordu vahidi kimi rotalar mövcud idi, və generallar əmrləri rota komandirlərini ptürürdülər.

linkedinə bənzər, işgüzar əlaqələrin qurulmasında avropada, xüsusəndə almaniyada məşhur olan xing sosial şəbəkəsində aparılan tədqiqatla da göstərilmişdir ki, 157 "əlaqə"si * connection olan istifadəçilər ən çox iş təklifləri alırlar.

bundan əlavə, dunbar insanın yaşadığı müddət ərzində görə biləcəyi, tanıyacağı və s. insanları 5, 15, 50, 150, 500, 1500 adamlıq təbəqələrə bölüb. birinci təbəqəyə bizim üçün ən yaxın adamlar - ata, ana, qardaş, gələcəkdə həyat yoldaşının və uşaqlarınız, növbəti qrupa yaxın dostlarınınz, ondan sonrakı qrupa sinif yoldaşlarınız, universitet yoldaşlarınız, iş yoldaşlarınız, 150 adamlıq qrupa yolda görsəniz heç olmasa 5-10 dəqiqəlik söhbət aça biləcəyiniz, 500-lük qrupa sadəcə görəndə sizin ona, onun da sizə salam verəcəyi, 1500-lük qrupa isə sizin əhatə olunduğunuz çevrədə verilmiş anda tanıya biləcəyiniz adamlar daxildir (sizin onları tanyıb, onların sizi tanımadığınız).


qeyd.
əslində dunbarın təqribi olaraq hesabladığı bu ədədə dunbar ədədi adını özü verməyib. sadəcəcə, fikir məşhurlaşdıqdan sonra bir qrup insanlar tərəfindən bu rəqəm dunbar rəqəmi olaraq adlandırılmışdır.

mənbə.
https://en.wikipedia.org/wiki/Dunbar%27s_number
https://www.newyorker.com/science/maria-konnikova/social-media-affect-math-dunbar-number-friendships
https://www.youtube.com/watch?v=07IpED729k8
https://www.youtube.com/watch?v=9lPH-qqKHfI
https://www.youtube.com/watch?v=3hwR6vQHiUY

tissot prx | texnologiya